• O alcalde, Manuel Vázquez Faraldo, destaca que esta actuación “vai permitir ás persoas usuarias e sobre todo aos deportistas do club poder practicar deporte en mellores condicións”.
Tanto no interior como no exterior das instalacións do Club Deportivo Náutico de Miño é patente o avance dunhas obras que están a chegar ao seu fin. A ampliación do ximnasio, a redistribución dos espazos interiores, así como a remodelación do almacén de embarcacións son algunhas das actuacións que levan a cabo no recinto.
A reforma e ampliación do Club Deportivo Náutico de Miño é unha obra que conta cun orzamento de máis de 400.000 euros. Está cofinanciada pola Secretaría Xeral para ou Deporte da Xunta de Galicia e o Concello de Miño.
Ao termo destas obras, que están próximas ao seu fin, o recinto contará con vestiarios e aseos accesibles, así como unha zona de ximnasio de máis de 200 m2. Outro espazo que está a ser remodelado é o almacén de embarcacións. Habilitarase unha zona de carga e descarga que unirá os dous edificios xa existentes.
O alcalde Manuel Vázquez Faraldo, poñía en valor o feito de que “estas obras non Club Náutico de Miño van permitir ás persoas usuarias e sobre todo aos deportistas do club poder practicar deporte en mellores condición. Unhas instalacións á altura do gran club Náutico co que conta Miño”.
